☰
500 سال سے موسیقی سکھانے والے ادارے پر 9 سالہ لڑکی کا جنسی تفریق کا مقدمہ
یورپی ملک جرمنی کی ایک 9 سالہ بچی نے گزشتہ 500 سال سے موسیقی کی تربیت دینے والے ادارے پر جنسی تفریق کا مقدمہ دائر کردیا۔
موسیقی کی تربیت حاصل کرنے کی خواہاں 9 سالہ لڑکی کے والدین نے جرمنی کے دارالحکومت برلن میں موجود تاریخی ادارے پر مقدمہ دائر کرتے ہوئے ادارے کے قواعد و ضوابط کو فرسودہ قرار دیا۔
9 سالہ بچی کے والدین نے 1465 میں تعمیر کیے گئے ’دی اسٹیٹ اینڈ کیتھڈرل کوائر‘نامی موسیقی کی تربیت دینے والے ادارے پر مقدمہ دائر کیا۔
اس ادارے کو’برلنر ڈوم‘ کے نام سے بھی جانا جاتا ہے۔
یہ ادارہ شہزادہ الیکٹرو فریڈرک دوئم نے تعمیر کیا تھا جو جرمنی کی ریاست برانڈن برگ کے بادشاہ تھے۔