☰
’دال چاول‘کا ٹھیلہ لگانے والے نوجوان کا پولیس افسر بننے تک کا سفر
پاکستانی شائقین جلد ہی ایک اعلیٰ پولیس افسر کی جانب سے بنائی جانے والی فلم ’دال چاول‘ کو بڑے پردے پر دیکھ سکیں گے۔
’دال چاول‘ کی کہانی ڈپٹی انسپکٹر جنرل (ڈی آئی جی) رینک کے پولیس افسر اکبر ناصر خان نے لکھی ہے اور انہوں نے ہی اس فلم کو پروڈیوس کیا ہے۔
اکبر ناصر خان ’سیف سٹی پاکستان‘ منصوبے کے پنجاب کے انچارج ہیں اور وہ اس فلم کو بنانے سے قبل بھی پولیس کی خدمات پر متعدد مضامین تحریر کر چکے ہیں۔
فن کلب پروڈکشن کے بینر تلے بنائی جانے والی ’دال چاول‘ کی ہدایات اویس خالد نے دی ہیں جب کہ اس کے گانوں میں راحت فتح علی خان، جبار عباس اور ماریہ میر جیسی گلوکاراؤں نے اپنی آواز کا جادو جگایا ہے۔
شفقت چیمہ جیسی کاسٹ پر مبنی اس فلم کی نئی کاسٹ میں نئے اداکار احمد صفیان اور مومنہ اقبال مرکزی کرداروں میں دکھائی دیں گی۔