عائشہ عمر کی غیر ملکی فنکاروں ساتھ پرفارمنس کے چرچے
عام طور پر شائقین نے عائشہ عمر کو اداکاری اور ماڈلنگ ہی کرتے دیکھا ہے، تاہم چند دن قبل انہوں نے کراچی میں ہونے والے ایک انٹرنیشنل میوزک فیسٹیول میں اپنی آواز کا جادو بھی جگایا۔
جی ہاں، عائشہ عمر نے 16 نومبر کو کراچی میں ’ماؤنٹین ڈیو‘ کی جانب سے منعقد کیے گئے ’سولز فیسٹیول‘ میں فرانسیسی میوزیکل بینڈ کے ارکان کے ساتھ شاندار پرفارمنس کی۔
’سولز فیسٹیول‘ میں جہاں برطانیہ کے بینڈ ’ای بی ایم‘ نے شاندار پرفارمنس کی، وہیں اس فیسٹیول میں برطانیہ کے ہی الیکٹرانک بینڈ ’کلین بنڈت‘ اور فرانسیسی میوزیکل بینڈ کے ارکان سمیت پاکستانی فنکاروں نے بھی اپنے فن کا جادو جگایا۔
کراچی کی معین خان اکیڈمی میں ہونے والے اس میوزک فیسٹیول میں عالمی ایوارڈ یافتہ میوزک پروڈیوسرز و بینڈ کی پرفارمنس نے جہاں پاکستانی شائقین کو خوب محفوظ کیا، وہیں عائشہ عمر کی بولڈ پرفارمنس نے بھی شائقین کو حیران کردیا۔