☰
انڈر 19 ورلڈ کپ کیلئے پاکستانی اسکواڈ کا اعلان، نسیم شاہ بھی شامل
پاکستان کرکٹ بورڈ(پی سی بی) نے آئندہ سال جنوبی افریقہ میں شیڈول انڈر19 ورلڈ کپ کے لیے 15رکنی اسکواڈ کا اعلان کردیا ہے جس کی قیادت روہیل نذیر کریں گے۔
انڈر19 ورلڈ کپ آئندہ ماہ 17جنوری سے 9فروری تک جنوبی افریقہ میں جاری رہے گا جس کے لیے حیدر علی کو ٹیم کا نائب کپتان مقرر کیا گیا ہے۔
مزید پڑھیں: اعجاز احمد 3سال کیلئے قومی انڈر19 ٹیم کے ہیڈ کوچ مقرر
پاکستان کی ٹیم عالمی کپ کے گروپ سی میں موجود ہے جہاں وہ 19جنوری کو اسکاٹ لینڈ کے خلاف میچ سے ایونٹ میں اپنی مہم کا آغاز کرے گی۔
اس کے بعد پاکستانی ٹیم کا اگلا میچ 22جنوری کو زمبابوے اور پھر گروپ کا آخری میچ 24جنوری کو بنگلہ دیش کے خلاف کھیلے گی۔