یہ 5.45 انچ کا فون ہے جس میں آئی پی ایس پینل دیا گیا ہے جبکہ خراشوں سے بچاﺅ کے لیے مضبوط گلاس کا استعمال بھی ہوا ہے۔

اس میں فرنٹ پر 5 میگا پکسل کیمرا اور ایل ای ڈی فلیش موجود ہے جو کم روشنی میں بھی کافی بہتر تصاویر لینے میں مدد فراہم کرتی ہے اور اس طرح کمپنی نے مہنگے پراسیسر اور مشین لرننگ کا خرچہ بھی بچالیا۔

اس کے بیک پر ایک ہی کیمرا ہے جو کہ 5 میگا پکسل کا ہے جس کے ساتھ بھی ایل ای ڈی فلیش موجود ہے۔

فون میں دیئے گئے پراسیسر کی کمپنی کے بارے میں نوکیا نے کچھ نہیں بتایا مگر یہ کواڈ کور 1.3 ہرٹز پراسیسر ہے (ممکنہ طور پر میڈیا ٹیک کا ہوگا)۔

ایک جی بی ریم کے ساتھ 16 جی بی اسٹوریج ہے جس میں مائیکرو ایس ڈی کارڈ سے مزید اضافہ کیا جاسکتا ہے۔

نوکیا سی 1 ڈوئل سم فون ہے مگر ایل ٹی ای کنکٹویٹی کا آپشن نہیں بلکہ تھری جی فون ہے اور وائی فائی 4 کو سپورٹ کرتا ہے۔

تاہم اینڈرائیڈ گو پروگرام کا حصہ ہونے کی وجہ سے بیشتر ایپس ڈیٹا کا استعمال کم کرتی ہیں اور سست انٹرنیٹ پر بھی ٹھیک کام کرتی ہیں۔

2500 ایم اے ایچ بیٹری کے ساتھ اینڈرائیڈ 9 آپریٹنگ سسٹم دیا گیا ہے۔

خیال رہے کہ گزشتہ ہفتے نوکیا نے پاکستان میں 20 دسمبر کو 2.3 فون متعارف کرانے کا اعلان کیا تھا جس کی قیمت 18 ہزار روپے سے زائد رکھی گئی تھی۔