☰
کمپنی کی جانب سے 4 کروڑ روپے تک بونس ملنے پر ملازمین آبدیدہ ہوگئے
امریکی ریاست میری لینڈ کی ایک ریئل اسٹیٹ کمپنی نے اپنے ہر ملازم کو سالانہ بونس کی مد میں 50 ہزار امریکی ڈالر یعنی پاکستانی 78 لاکھ روپے کی رقم دے کر سب کو حیران کردیا۔
امریکی نشریاتی ادارے ’سی این این‘ کے مطابق میری لینڈ کی معروف اور شہرت یافتہ ریئل اسٹیٹ کمپنی ’سینٹ جان پراپرٹیز‘ نے ملازمین کو خطیر بونس دے کر حیران کردیا۔
رپورٹ کے مطابق کمپنی نے گزشتہ 14 سال کے دوران ایک منفرد اعزاز حاصل کرنے کے بعد ملازمین میں خطیر بونس تقسیم کیا۔
کمپنی نے مجموعی طور پر 198 ملازمین میں ایک کروڑ امریکی ڈالر یعنی پاکستانی ڈیڑھ ارب روپے سے زائد کی رقم تقسیم کی۔