کورونا وائرس کے صوبے میں بڑھتے ہوئے کیسز کے پیش نظر احتیاطی تدابیر اختیار کرتے ہوئے سندھ حکومت کے ترجمان مرتضی وہاب نے نماز جمعہ پر پابندی کا اعلان کردیا۔

وزیراعلیٰ کے مشیر برائے اطلاعات نے ایک جاری بیان میں کہا کہ کسی کو نماز جمعہ پڑھنے کی اجازت نہیں ہوگی اور نماز جمعہ میں صرف مسجد کا عملہ شریک ہوگا۔

مرتضی وہاب نے کہا کہ سندھ حکومت نے 27 مارچ سے 5 اپریل تک مساجد میں نماز کے اجتماعات پر بھی پابندی عائد کردی ہے۔

ان کا کہنا تھا کہ مساجد میں صرف 3 سے 5 افراد نماز ادا کرسکیں گے اور مساجد میں نماز جمعہ کے اجتماعات بھی نہیں ہوں گے۔

انہوں نے بتایا کہ سندھ حکومت نے مساجد میں نماز کے اجتماعات پر پابندی کا فیصلہ تمام مکاتب فکر کے علما کی مشاورت سے کیا۔