☰
پنجاب میں لاک ڈاؤن میں 30 جون تک توسیع
پنجاب میں کورونا وائرس کے باعث نافذ لاک ڈاؤن میں 30 جون تک توسیع کردی گئی اور اس حوالے سے سیکریٹری پرائمری اینڈ سکینڈری ہیلتھ کیئر نوٹی فکیشن جاری کردیا۔
سیکریٹری پرائمری اینڈ سیکنڈری ہیلتھ کیئر کیپٹن (ر) محمد عثمان نے کہا کہ مزید ترمیم تک لاک ڈاؤن کی صورت حال گزشتہ نوٹی فکیشن والی رہے گی۔
انہوں نے کہا کہ نوٹیفکیشن میں یونیورسٹی آف ہیلتھ سائنسز (یو ایچ ایس) کو سپلیمنٹری امتحانات لینے کی اجازت دی گئی ہے۔
سیکرٹری کے مطابق بی ڈی ایس، بی ایس سی نرسنگ، ڈاکٹر آف فزیکل تھراپی اور بی ایس سی الائیڈ ہیلتھ سائنسز آخری سال کے ضمنی امتحانات لیے جا سکیں گے۔
انہوں نے کہا کہ یو ایچ ایس کے امتحانات کے علاوہ کسی بھی انڈسٹری کو چھوٹ نہیں دی گئی اور نوٹی فکیشن کا اطلاق فی الفور ہو گا جو ثانی لاگو رہے گا۔
Read Comments