جاپان کے محققین نے خون کا ایسا ٹیسٹ تیار کر لیا ہے جس سے کورونا وائرس کے تشویشناک کیسز کی قبل از وقت نشاندہی میں مدد ملے گی۔

رائٹرز کے مطابق ٹیسٹ کی افادیت جانچنے کے لیے ملک بھر میں 500 پروٹوٹائپ مشینیں نصب کی گئی ہیں۔

نیشنل سینٹر فار گلوبل ہیلتھ اینڈ میڈیسن نے ابتدائی طور پر کورونا کے 28 مریضوں کے خون میں 5 کمپاؤنڈز کے لیے ٹیسٹ کیے اور نتیجہ اخذ کیا کہ خون میں سیرم سی سی ایل 17 کی کم مقدار وائرس کے خطرناک ہونے کی نشاندہی کرتی ہے۔

تحقیق کے نتائج سے معلوم ہوا کہ ابتدائی طور پر سیرم کے ٹیسٹ سے اس بات کا اندازہ لگانے میں مدد ملے گی کہ کن مریضوں کو ہسپتال داخل کرانے کی ضرورت پڑے گی۔