پاک فضائیہ نے اپنی فلیٹ میں چینی ساختہ جے-10 سی جنگی طیارے شامل کرلیے، جس سے ملک کی فضائی دفاع کی صلاحیت مزید مضبوط ہوئی ۔

کامرہ کے منہاس ائیر بیس میں طیاروں کی شمولیت کی تقریب منعقد ہوئی جہاں وزیراعظم عمران خان، تینوں مسلح افواج کے سربراہاں، وفاقی وزرا، پاکستان میں تعینات چینی سفیر اور سفارتی برادری کے اراکین نے شرکت کی۔

فوج نے جنوری میں تصدیق کرتے ہوئے بتایا تھا کہ چین سے جے-10 سی طیارے ملیں گے اور بتایا گیا تھا کہ یہ طیارے خطے کی سیکیورٹی کو اور پاکستانی مسلح افواج کی دفاعی صلاحیت کو مضبوط کرنا ہے۔