کراچی میں پاکستان تحریک انصاف (پی ٹی آئی) کے صدر خرم شیر زمان کی رہائش گاہ پر پولیس کی جانب سے چھاپہ مارا گیا تاہم گھر پر موجود نہ ہونے کے باعث ان کی گرفتاری عمل میں نہ آسکی۔

ڈان نیوز ٹی وی کے مطابق پاکستان تحریک انصاف کے ترجمان کا کہنا تھا کہ گھر پر 3 پولیس موبائل اور 2 درجن سے زائد اہلکار موجود تھے، پولیس اہلکار بغیر سرچ وارنٹ کے خرم شیر زمان کے گھر میں داخل ہوئے۔

تاہم خرم شیر زمان کے گھر پر موجود نہ ہونے کے باعث ان کی گرفتاری عمل میں نہ آسکی۔