کراچی: شام 5 بجے سے افطار تک شہریوں کے چالان نہ کرنےکی ہدایت
فیملی کے ہمراہ ٹریفک قوانین کی خلاف ورزی پر چالان کے بجائے وارننگ دی جائے، بدتمیزی یا جھگڑا کرنے والے اہلکار کیخلاف کارروائی کی جائے گی، ڈی آئی جی ٹریفک
محکمہ انسداد دہشتگردی (سی ٹی ڈی) نے کراچی کے علاقے پرانا گولیمار گور گنج گوٹھ میں کارروائی کرتے ہوئے لیاری گینگ وار کے 2 کارندوں کو گرفتار کر لیا۔
ڈان نیوز کے مطابق ترجمان سی ٹی ڈی کی جانب سے جاری بیان میں بتایا گیا کہ سی ٹی ڈی انویسٹی گیشن نے لیاری گینگ وار کے 2 کارندوں عبد القادر عرف ڈی جے اور شاہ زیب عرف تنگیالو کو گرفتار کر لیا۔
ترجمان کا کہنا تھا کہ گرفتار ملزمان لوٹ مار، قتل، اقدام قتل، پولیس مقابلے سمیت سنگین جرائم میں ملوث ہیں۔
ترجمان سی ٹی ڈی نے مزید بتایا کہ ملزم عبدالقادر نے 2019 میں پولیس اہلکار فاروق کو قتل کیا تھا، اور وہ پولیس اہلکار قتل کیس سمیت کئی مقدمات میں اشتہاری تھا۔
ترجمان محکمہ انسداد دہشت گردی کا کہنا تھا کہ ملزمان کا تعلق لیاری گینگ وار کے حاجی ریاست گروہ سے ہے۔