وزیر خارجہ اسحاق ڈار نے چینی ہم منصب سے ٹیلی فونک رابطے میں گزشتہ رات بھارتی اشتعال انگیزی اور پاکستان کی محتاط جوابی کاروائی سے آگاہ کیا۔

ڈان نیو زکے مطابق پاکستان اور بھارت کے درمیان جنگ بندی کے بعد وزیرخارجہ اسحٰق ڈار اور ان کے چینی ہم منصب کے درمیان ٹیلی فونک رابطہ ہو اہے جس میں خطے کی بدلتی صورتحال اور گذشتہ رات بھارتی اشتعال انگیزی اور پاکستان کی محتاط جوابی کارروائی سے آگاہ کیا۔

چینی وزیرخارجہ نے پاکستان کے ذمہ دارانہ کردار کو سراہتے ہوئے کہا کہ خودمختاری اور علاقائی سالمیت کیلئے ہمیشہ پاکستان کے ساتھ کھڑے رہیں گے۔

مزید کے لیے کلک کریں

ٹیلی فونک گفتگو میں دونوں رہنماؤں نے قریبی رابطہ برقرار رکھنے پر اتفاق کیا۔

واضح رہے کہ آج سہ پہر امریکی صدر ڈونلڈ ٹرمپ نے اپنی ایکس پوسٹ میں اعلان کیا تھا کہ پاکستان اور بھارت فوری جنگ بندی پر رضامند ہوگئے ہیں۔

اس کے کچھ ہی دیر بعد نائب وزیراعظم و وزیرخارجہ اسحٰق ڈار نے بھی اپنی ایکس پوسٹ میں جنگ بندی کی تصدیق کردی تھی۔