شدید بارش کے باوجود انتظامیہ فوری متحرک ہوئی، ترجمان حکومت سندھ
نکاسی اور ایمرجنسی ریسپانس کے انتظامات کر رکھے تھے، علی خورشیدی کا بیان سیاسی پوائنٹ اسکورنگ کی ناکام کوشش ہے، سمعتا افضال سید
ترجمان حکومت سندھ سمعتا افضال سید نےکہا ہے کہ شدید بارش کے باوجود انتظامیہ فوری متحرک ہوئی، علی خورشیدی کا بیان سیاسی پوائنٹ اسکورنگ کی ناکام کوشش ہے۔
ڈان نیوز کے مطابق ترجمان حکومت سندھ سمعتا افضال سید نےاپوزیشن لیڈر علی خورشیدی کے بیان پر ردعمل دیتے ہوئے کہا ہے کہ کراچی میں شدید بارش کے باوجود انتظامیہ فوری متحرک ہوئی۔
انہوں نے کہا کہ نکاسی اور ایمرجنسی ریسپانس کے انتظامات کر رکھے تھے، نشیبی علاقوں سے پانی کی نکاسی کا عمل جاری ہے۔
بارش کے دوران لوڈ شیڈنگ کے حوالے سے انہوں نے کہا کہ کے الیکٹرک وفاق کے ماتحت ادارہ ہے، اپوزیشن لیڈر وفاقی اداروں کی نااہلی کا نزلہ حکومت سندھ پر نہ ڈالیں۔