تاریخی گراوٹ کے ایک دن بعد سونے کی قدر میں بڑا اضافہ
عالمی مارکیٹ میں 35 ڈالر کے اضافے سے فی اونس سونا 3975 ڈالر پرپہنچ گیا، فی اونس چاندی بھی 47.72 ڈالر پر پہنچ گئی۔
تاریخی گراوٹ کے ایک روز بعد ملک میں سونے کی قدر میں ہزاروں روپے کا اضافہ ہوگیا جبکہ چاندی بھی مہنگی ہوگئی۔
آل پاکستان صرافہ جیمز اینڈ جیولرز ایسوسی ایشن کے مطابق بدھ کو 24 قیراط کا فی تولہ سونا 3500 روپے کے اضافے سے 4 لاکھ19 ہزار 862 روپے پر پہنچ گیا۔
اسی طرح 10 گرام سونے کی قیمت بھی 3 ہزار روپے کے اضافے سے 3 لاکھ 59 ہزار 963 روپے ہوگئی جبکہ عالمی مارکیٹ میں بھی 35 ڈالر کے اضافے سے فی اونس سونا 3975 ڈالر پرپہنچ گیا۔
دوسری جانب 110 روپے کے اضافے سے فی تولہ چاندی کی قیمت 5 ہزار 34 روپے پرپہنچ گئی، جبکہ 10 گرام چاندی کی قیمت 94 روپے کے اضافے سے 4 ہزار 315 روپے پرپہنچ گئی۔ عالمی مارکیٹ میں فی اونس چاندی کی قیمت 47.72 ڈالرپر پہنچ گئی۔