دہشت گردی مسلمہ طور پر ایک لعنت و ناسور ہے نیز دہشت گرد نہ تو مسلمان ہیں اور نہ ہی انسان۔ گذشتہ دس سالوں سے پاکستان دہشت گردی کے ایک گرداب میں بری طرح پھنس کر رہ گیا ہے اور قتل و غارت گری روزانہ کا معمول بن کر رہ گئی ہےاور ہر طرف خوف و ہراس کے گہرے سائے ہیں۔ کاروبار بند ہو چکے ہیں اور ملک کی اقتصادی حالت دگرگوں ہے۔ طالبان دہشتگرد ملک کو اقتصادی اور دفاعی طور پر غیر مستحکم اور تباہ کرنے پر تلے ہوئے ہیں اور ملک اور قوم کی دشمنی میں اندہے ہو گئے ہیں اور غیروں کے اشاروں پر چل رہے ہیں۔ انتہا پسند داخلی اور خارجی قوتیں پاکستان میں سیاسی اور جمہوری عمل کو ڈی ریل کرنے کی کو ششیں کر رہی ہیں ، آئندہ انتخابات کے پر امن انعقاد میں ہر ممکن رکاوٹ ڈال رہے ہیں اور سیاسی پارٹیوں کی انتخابی مہم میں بہت بڑی رکاوٹ ہیں ، انتخابی ریلیوں پر حملے کر رہے ہیں . خیبرپختونخوا میں انتخابی سرگرمیاں امن و امان کی غیرتسلی بخش صورتحال کی وجہ سے پوری شدت کے ساتھ شروع نہیں کی جاسکیں، سوات, کراچی اور پشاور کے افسوسناک واقعے نے ایک بار پھر قوم کو دہشت گردی کے بارے میں سنجیدگی سے سوچنے پر مجبور کردیا ہے. ملک کو عدم استحکام سے دوچار کرنے والے عناصر اب بھی پوری طرح سرگرم ہیں۔انتخابی سرگرمیوں کونشانہ بنا کر درحقیقت دہشت گرد تنظیمیں پاکستان، دینی اقدار اور خوشحالی کو تباہ کرنے پر تلی ہوئی ہیں. یہ بات تو روزروشن کی طرح واضح ہے کہ دہشت گرد عناصر عام انتخابات کو سبوتاژ کرنا چاہتے ہیں اور انہوں نے سیاسی جماعتوں کے دفاتر، ریلیوں اور اجتماعات پر حملے شروع کردیئے ہیں۔ اس وقت پاکستان کو شدید ترین اندرونی اور بیرونی خطرات کا سامنا ہے۔ انتہا پسندوں اور دہشتگردوں کے درمیان گٹھ جوڑ کو ختم نہ کیا گیا تو ملک کو خطرات لاحق ہو سکتے ہیں۔ انتہا پسند پاکستان کا امن تباہ کرنے پر تلے ہوئے ہیں۔ الیکشن کا بروقت انعقاد ایک آئینی اور قانونی ضرورت ہے۔ دہشتگرد بم دھماکوں ، دہشت گردی اور قتل و غارت گری کرکے نہ صرف ملک کو عدم استحکام سے دوچار کررہے ہیں بلکہ پرامن انتخابی ماحول کو سبوتاژ کرنے کی کو شش بھی کر رہے ہیں۔یاد رہے کہ جمہوریت ہی میں پاکستان کی بقا ہے۔ خودکش حملے،دہشت گردی اور بم دھماکے اسلام میں جائز نہیں یہ اقدام کفر ہے. اسلام ایک بے گناہ فرد کے قتل کو پوری انسانیت کا قتل قرار دیتا ہے اور سینکڑوں ہزاروں بار پوری انسانیت کاقتل کرنے والے اسلام کو ماننے والے کیسے ہو سکتے ہیں؟ یہ لوگ اسلام کا نام ے کر اسلام کو بدنام اور پاکستان کو کمزور کرنے کی کوشش کر رہے. دہشت گرد خود ساختہ طالبانی شریعت، جو پاکستانی عوام کو قبول نہیں، نافذ کرنا چاہتے ہیں اور پاکستانی عوام پر اپنا سیاسی ایجنڈا ، طاقت کے زور پر مسلط کرنا چاہتے ہیں جس کی دہشت گردوں کو اجازت نہ دی جا سکتی ہے۔ طالبان کا معصوم پاکستانی عوام کو بے دردی سے قتل کر کے اور متشددانہ طریقے سے طالبانی شریعہ نافذ کرنے کا منصوبہ انتہائی مشکوک و ناقابل عمل و ناقابل قبول ہے۔ ایک دہشت گرد گروپ کےطاقت کے بل بوتے پر من مانی کرنے کے بڑے دورس نتائج نکل سکتے ہیں۔ دہشت گردی کے خلاف جنگ پوری قوم کی جنگ ہے اور ہر شخص کو دہشت گردی کے خلاف بھرپور کردار ادا کرنا چاہئیے۔ جو شخص کسی نفس کو .... کسی نفس کے بدلے یا روئے زمین میں فساد کی سزا کے علاوہ قتل کرڈالے گا اس نے گویا سارے انسانوں کو قتل کردیا اور جس نے ایک نفس کو زندگی دے دی اس نے گویا سارے انسانوں کو زندگی دے دی۔ (سورہ مائدہ ، آیت ۳۲)

ان دھشتگردوں كی درندگی كی كوئی انتہا نہیں ہے . پتہ نہیں یہ لوگ اپنے وحشیانہ حركتوں كی ساتھ كیا دكہانا چاہتے ہیں ؟ یہیں كہ ان كو اسلام كی بارے میں كچھ پتہ نہیں ؟ یہیں كہ یہ لوگ بہول گئے كہ حضرت ابو بكر ) رضی اللہ عنہ ( كیسا خلیفہ بنا ؟ یہیں كہ یہ لوگ اتنا بہی نہیں جانتے كہ اسلام میں بیگناہوں كا مارنا حرام ہے ؟ ان سوالوں كا جواب یہ ہے كہ یہ لوگ بہولے نہیں بلكہ پہلے سے جانتے ہی نہیں كہ اسلام كیا ہے اور اسلام میں كیا كیا كرنا جائز ہے اور كیا ناجائز . یہ لوگ اپنے آپ سے ایك نیا دین بنایے ہیں جس میں جو كچھ ہو رہا ہے اسلام كی خلاف ہو رہا ہے . مجہے ان لوگوں سے ایك درخواست ہے كہ جو كچھ تم كر رہے ہو ، اللہ كی خاطر اس كو اسلام كی نام نہ دو كیوں كہ جو كچھ تم كر رہے ہو، وہ اسلام كی خلاف ہے