فلپائن میں 20واں انٹرنیشنل ہاٹ ائیر بلون فیسٹیول بھر پورانداز سے منقعد کیا گیا۔

اس میلے کے دوران سیکڑوں رنگ برنگے غبارے آسمان پر دلکش نظارے بکھیرتے نظر آئے۔

ہاٹ ائیر بلون فیسٹیول میں تقریباً 12 دوسرے ممالک نے بھی حصہ لیا جن میں ریاست امریکا، برطانیہ، جرمنی، فرانس، سویڈن، جاپان، تھائی لینڈ، ڈومینیکن ریپبلک، سلوواکیہ، نیدرلینڈ، آئر لینڈ وغیرہ شامل ہیں۔

فیسٹیول میں جہاں درجنوں خوبصورت اور دلکش ڈیزائن کے غباروں نے آسمان کو سجایا وہیں دوسری جانب ہزاروں سیاحوں کی آمد نے بھی رونقیں بڑھا دیں۔

ہاٹ ائیر بلون فیسٹیول کا آغاز سال 1994 میں کیا گیا تھا جس کا مقصد ملک میں ہاٹ ائیر بلون کو سپورٹس کا حصہ بنانا تھا۔

چار روز تک جاری رہنے والے اس فیسٹیول کا شمار فلپائن کے سب سے بڑے سپورٹس ایونٹس میں کیا جاتا ہے۔

اس میلے کو ہر سال کے شروع میں منایا جاتا ہے جس میں سیاح بڑی تعداد میں شرکت کرتے ہیں۔