سال 2016 اپنے اختتام کے قریب ہے، یہ سال بھی اپنے ساتھ کئی ناقابل فراموش حادثات، واقعات اور یادیں لے کر جارہا ہے۔

سال بھر دنیا میں مختلف واقعات رونما ہوتے رہے جنہوں نے پوری دنیا کی توجہ اپنی جانب مبذول کرائی، امریکی صدارتی انتخاب،ریو ڈی جنریو میں ہونے والے اولمپکس گیمز، شام کی جنگ،مہاجرین کا یورپ کی جانب پر خطر سفر، برطانیہ کی یورپی یونین سے علیحدگی اور ایسے دیگر واقعات کے حوالے سے 2016 کو ہمیشہ یاد رکھا جائے گا۔

سال رفتہ کا عمومی جائزہ لیا جائے تو یہ بات سامنے آتی ہے کہ اس سال بھی دنیا بھر میں تباہی و بربادی، نفرتوں، احتجاجی مظاہروں اور دہشت گردی کے واقعات کی شرح زیادہ رہی اور اچھی خبریں کم ہی سننے کو ملیں۔

اس سال بھی کشمیری عوام کی جدوجہد آزادی رنگ نہ لاسکی، شام و عراق میں امن قائم نہ ہوسکا، پاکستان میں دہشت گردی کے واقعات مکمل طور پر ختم نہ ہوسکے تاہم یہ امید اور دعا کی جاسکتی ہے کہ آنے والا سال ہر لحاظ سے 2016 سے بہتر ہوگا.

اس حوالے سے فرانسیسی خبر رساں ادارے اے ایف پی نے اپنی 2016 کی چند بہترین تصاویر جاری کیں جن میں سے منتخب تصویریں زیر نظر ہیں۔