ٹینس کی دنیا کے مشہور اسٹار نوواک جوکووچ جنھوں نے 2017 کا آغاز قطراوپن میں کامیابی کے ساتھ کیا اور آسٹریلین اوپن کے آغاز سے قبل سابق عظیم لیگ اسپنر شین وارن سے کرکٹ کے گر سیکھنے بیٹھ گئے۔

سربیا سے تعلق رکھنے والے نوواک جوکووچ، آسٹریلیا کے شہر میلبرن میں موجود ہیں جہاں انھوں نے شین وارن کے ساتھ ایک ادارے کے لیے فنڈز اکھٹا کرنے کی تقریب میں شرکت کی۔

چیئرٹی ایونٹ میں شین وارن نے جوکووچ کو باؤلنگ کرنے کی تیکنیک سکھائی جبکہ جووکووچ نے باؤلنگ کے علاوہ بیٹنگ کی کوشش بھی کی اور گیند کو زور دار ہٹ لگائے۔

آسٹریلین اوپن کا آغاز 16 جنوری کو میلبرن میں ہوگا اور 29 جنوری کو فائنل کھیلا جائے گا۔