کولڈ ڈرنکس دانتوں کے ساتھ کیا کرتی ہیں؟
اگر تو آپ کو سافٹ ڈرنکس بہت زیادہ پسند ہے تو جان لیں کہ ان کا زیادہ استعمال دانتوں کی خوبصورتی ختم کرنے بلکہ انہیں بدنما بنانے کا باعث بنتا ہے۔
یہ بات امریکا میں ہونے والی ایک طبی تحقیق میں سامنے آئی۔
سان ڈیاگو سے تعلق رکھنے والے ایک ڈنٹیسٹ ڈاکٹر ٹام بائیر مین نے اس حوالے ایک تجربہ کیا تھا۔
اس تجربے کے دوران انہوں نے 1950 کے اس نظریے کو آزمانا چاہتا تھا جس کے مطابق پندرہ دن تک کسی دانت کو مشروب میں ڈبونا ہی اس کو تباہ کرنے کے لیے کافی ہوتا ہے بلکہ اس کو اکثر پینا دانتوں کے ٹوٹنے کا باعث بن سکتا ہے۔
ڈاکٹر ٹام نے عمر کی تیسری دہائی میں اپنا کچھ دانت نکلوائے تھے اور تجربے کے لیے انہیں استعمال کیا گیا۔
انہوں نے ایک دانت ایک انرجی ڈرنک میں ڈبو دیا جبکہ دوسرا ریگولر کوک کی بوتل ، تیسرا ڈائٹ مشروب جبکہ چوتھا پانی کے گلاس میں ڈال دیا۔
دو ہفتے بعد انہوں نے دانتوں کو باہر نکالا تو نتیجہ کچھ یہ رہا۔
ریگولر کوک میں رکھا گیا دانت بالکل بدل گیا جس کی شکل آپ نیچے دیکھ سکتے ہیں، اسی طرح ڈائٹ مشروب میں رکھے گئے دانت کا یہ حال تو نہیں ہوا مگر اس پر بھی واضح داغ پڑ چکا تھا۔