☰
مستقبل کے پاکستان کی عکاسی کرتا آرٹ
کہتے ہیں شوق کا کوئی مول نہیں ہوتا اور اسی بات کو نوجوان پاکستانی آرٹسٹ عمر گیلانی نے سچ کر دکھایا ہے، جنہوں نے اپنی لگن سے ملکی ثقافت اور روز مرہ کی زندگی کو سائنس فکشن میں ڈھال کر پاکستان کے مستقبل کی ایک جھلک پیش کی ہے۔
صوبہ خیبر پختونخوا کے دارالحکومت پشاور سے تعلق رکھنے والے عمر گیلانی لاہور کے ایک مقامی آرٹسٹ ہیں، جن کے تیار کردہ تصوری آرٹ نے سوشل میڈیا کے ذریعے نہ صرف پاکستان، بلکہ بھارت میں بھی بے پناہ مقبولیت حاصل کرلی ہے۔
دلچسپ بات یہ ہے کہ عمر نے آج تک آرٹ کے حوالے سے نہ تو کوئی تعلیم حاصل نہیں کی اور نہ ہی یہ فن کسی سے سیکھا، بلکہ میکینکل انجینئرنگ میں ماسٹرز اور ربورٹکس میں ایم فل کرنے کے بعد انھوں نے آرٹ کو ہی اپنا کیرئر بنا لیا۔