ایون لوئس کی عمدہ بیٹنگ کی بدولت ویسٹ انڈیز پاکستان کو تیسرے ٹی20 میچ میں باآسانی سات وکٹ سے شکست دے دی۔

پورٹ آف اسپین میں کھیلے گئے میچ میں پاکستان نے کامران اکمل کے 48 اور بابر اعظم کے 43 رنز کی بدولت 138 رنز بنائے۔

اختتامی اوورز میں ویسٹ انڈین ٹیم کی عمدہ فیلڈنگ اور نپی تلی باؤلنگ کے سبب پاکستانی ٹیم زیادہ رنز بنانے میں ناکام رہی۔

جواب میں ایون لوئس نے جارحانہ بیٹنگ سے میچ کو یکطرفہ بناتے ہوئے 31 گیندوں قبل ہی اپنی ٹیم میچ میں سات وکٹ کی شاندار فتح سے ہمکنار کرا دیا۔

لوئس نے نو چھکوں اور پانچ چوکوں کی مدد سے 51 گیندوں پر 91 رنز بنائے اور میچ کے بہترین کھلاڑی قرار پائے۔