اگر تو آپ کو اینیمیٹڈ تصاویر پوسٹ کرنا پسند ہے تو اچھی خبر یہ ہے فیس بک پر اب آپ کمنٹس پر بھی جی آئی ایف امیجز کو پوسٹ کرسکتے ہیں۔

جی ہاں فیس بک نے آخرکار کمنٹس کے لیے بھی جی آئی ایف بٹن متعارف کرا دیا ہے اور یہ اینیمیٹڈ تصاویر کو 30 سال مکمل ہونے پر سماجی رابطے کی ویب سائٹ کی جانب سے اپنی صارفین کے لیے ایک تحفہ ہے۔

ویسے تو فیس بک پر 2015 سے ایسی اینیمیٹڈ تصاویر کو پوسٹ کرنا ممکن ہے مگر کمنٹس میں صارفین کے لیے ایک مخصوص بٹن دینا ضرور ایک نئی چیز ہے۔

فیس بک کے مطابق ' ہر ایک کو جی آئی ایف سے محبت ہے اور گزشتہ سال ہی صارفین نے 13 ارب اینیمیٹڈ اتصاویر ایک دوسرے کو ارسال کیں۔ہم جانتے ہیں کہ لوگ انہیں کمنٹس میں استعمال کرنا چاہتے ہیں، توقع ہے کہ لوگ اپنے جذبات کو زیادہ سے زیادہ شیئر کرسکیں گے'۔

مزید پڑھیں : اب اینیمیٹڈ فیس بک پروفائل تصویر لگانا ممکن

یہ جی آئی ایف کمنٹ بٹن کی آزمائش مارچ سے کی جارہی تھی مگر اب یہ فیس بک کے تمام صارفین کے لیے دستیاب ہے۔

یہ بٹن بالکل اسی طرح کام کرے گا جیسے فیس بک میسنجر میں کرستا ہے، جس سے صارفین کو ٹرینڈنگ جی آئی ایف کو براﺅز کرنے اور مخصوص تصاویر کو سرچ کرنے کا موقع مل سکے گا۔

مگر یہ بات ضرور ہے کہ یہ فیچر سامنے آنے کے بعد موجودہ نیوز فیڈ بالکل بدل کر رہ جائے گا جہاں ان اینیمیٹڈ تصاویر کی بھرمار ہر جگہ نظر آنے لگے گی۔