لندن میں زیر زمین میٹرو اسٹیشن میں دھماکے کے نتیجے میں 22 افراد جھلس کر زخمی ہوگئے۔

خبر رساں ادارے اے ایف پی کی رپورٹ کے مطابق لندن پولیس نے پارسنز گرین اسٹیشن پر موجود ٹرین میں ہونے والے دھماکے کو دہشت گردی کا واقعہ قرار دیتے ہوئے بتایا کہ واقعے میں متعدد افراد جھلس کر زخمی ہوئے۔

عینی شاہدین کے مطابق دھماکے کے بعد ٹرین میں آگ بھڑک اٹھی جبکہ زخمی ہونے والے افراد کے چہرے جھلس گئے اور ان کے بال جھڑنے گئے۔

لندن پولیس کے جاری بیان میں کہا گیا کہ ’پارسنز گرین زیر زمین اسٹیشن میں ہونے والا دھماکا دہشت گردی کا واقعہ ہے‘۔