☰
اسنیپ چیٹ پربراہ راست اسپورٹس خبریں دیکھیں
سوشل شیئرنگ ایپلی کیشن اسنیپ چیٹ کی مقبولیت کا اندازہ اس بات سے بھی لگایا جاسکتا ہے کہ دنیا کے 2 بڑے نشریاتی اداروں ’سی این این‘ اور ’این بی سی‘ کے بعد اب اسپورٹس نشریاتی ادارے ’ای ایس پی این‘ نے بھی اس پر نیوز شو نشر کرنے کا آغاز کردیا۔
خیال رہے کہ اسنیپ چیٹ پر سب سے پہلے امریکی نشریاتی ادارے ’نیشنل براڈ کاسٹنگ کمپنی‘ (این بی سی) نے رواں برس جولائی سے پہلا نیوز شو نشر کرنے کا آغاز کیا تھا۔
این بی سی کی دیکھا دیکھی امریکا کے ہی عالمی نشریاتی ادارے ’سی این این‘ نے بھی اسنیپ چیٹ کے لیے رواں برس اگست میں ایک نیوز شو نشر کرنے کا آغاز کیا تھا۔