’فائیو جی‘ انٹرنیٹ کے کامیاب مشترکہ تجربے کا دعویٰ
اسمارٹ موبائل کے پراسیسر اور دیگر آلات تیار کرنے والی امریکی ملٹی نیشنل کمپنی کوالکوم نے دیگر 2 کمپنیوں کی شراکت سے پہلے ’فائیو جی‘ انٹرنیٹ کے کامیاب تجربے کا دعویٰ کیا ہے۔
خیال رہے کہ کوالکوم نے گزشتہ ماہ اکتوبر می ہی پہلی بار اسمارٹ موبائل میں ’فائیو جی‘ انٹرنیٹ چلانے کے کامیاب تجربے کا دعویٰ کیا تھا۔
کمپنی نے کامیاب تجربے کے بعد ’فائیو جی‘ سپورٹڈ اسمارٹ موبائل کا مجوزہ ماڈل پیش کرتے ہوئے ان کے لیے خصوصی چپ تیار کرنے کا دعویٰ بھی کیا تھا۔
تاہم اب اسی کمپنی نے زیڈ ٹی ای اور چائنا موبائل کے ساتھ پہلی بار ’فائیو جی‘ کے مشترکہ کامیاب تجربے کا دعویٰ کیا ہے۔
یہ بھی پڑھیں: فائیو جی کا اسمارٹ موبائل میں کامیاب تجربہ
ٹیکنالوجی نشریاتی ادارے ’اینڈرائڈ اتھارٹی‘ نے اپنی خبر میں بتایا کہ امریکی کمپنی نے دیگر دو کمپنیوں کے ساتھ پہلی بار تین مختلف ٹیکنالوجی کمپنیز کے آلات میں ’فائیو جی‘ انٹرنیٹ چلانے کا کامیاب تجربہ کیا۔