☰
بہترین فنٹیسی فلم ’ اے رنکل ان ٹائم‘
معروف اداکارہ اوپرا ونفرے کی آنے والی ہولی وڈ سائنس فکشن فنٹیسی فلم ’اے رنکل ان ٹائم‘ کا پہلا ٹریلر جاری کردیا گیا۔
ڈزنی پکچر کے بینر تلے بننے والی اس فلم کا پہلا ٹریلر ’امریکن میوزک ایوارڈ 2017‘ کے موقع پر ریلیز کیا گیا۔
سائنس فکشن فنٹیسی فلم کی کہانی 1962 میں شائع ہونے والے ناول ’اے رنکل ان ٹائم‘ سے لی گئی ہے، اس ناول کو مادلین ایل اینگل نے لکھا تھا۔
ناول کی مشہوری کا اندازہ اس بات سے بھی لگایا جاسکتا ہے کہ اس کا دوسرا ایڈیشن 1979 میں شائع کیا گیا۔
ناول نے نہ صرف بیسٹ سیلر کا اعزاز حاصل کیا، بلکہ متعدد ایوارڈ بھی وصول کیے، بعد ازاں 2003 میں معروف فلم ساز پروڈکشن کمپنی ’ڈزنی‘ نے اس کے مالکانہ حقوق حاصل کیے۔