☰
نیشنل ٹی20 کپ میں لاہور وائٹس کی ایک اور فتح
راولپنڈی: پاکستان کرکٹ بورڈ کے زیر اہتمام جاری نیشنل ٹی 20کپ کرکٹ ٹورنامنٹ 2017 میں لاہور وائٹس نے پشاور کو 27 رنز سے ہرا پہلی پوزیشن حاصل کر لی۔
پنڈی کرکٹ اسٹیڈیم میں کھیلے گئے پہلے میچ میں لاہور ریجن(وائٹس) کے کپتان سلمان بٹ نے ٹاس جیت کر پہلے بیٹنگ کا فیصلہ کیا۔
لاہور ریجن(وائٹس) کی ٹیم نے مقررہ 20 اوورز میں 4 وکٹوں کے نقصان پر 163رنز بنائے ، سلمان بٹ نے 58گیندوں پر 14چوکوں کی مدد سے 85 رنز کی ناقابل شکست اننگز کھیلی جبکہ کامران اکمل نے 42گیندوں پر 5 چوکوں اور 3چھکوں کی مدد سے 52 رنز بنائے۔
پشاور ریجن کی طرف سے کامران غلام ، کاشف بھٹی اور سہیل خان نے ایک، ایک وکٹ حاصل کی۔
جواب میں پشاور کی ٹیم مطلوبہ ہدف حاصل کرنے میں ناکام رہی اور پوری ٹیم 19.3 اوورز میں 136 رنز بنا کر آؤٹ ہو گئی۔