جنید جمشید کی یاد میں ’میرے بابا‘
معروف گلوکار اور نعت خواں جنید جمشید کو اس دنیا سے گزرے ہوئے ایک سال مکمل ہونے والا ہے، تاہم وہ آج بھی اپنے مداحوں کے دلوں میں زندہ ہیں۔
جنید جمشید کے بیٹے بابر نے اپنے والد کے لیے ایک گانا ریکارڈ کروایا، جو جنید جمشید کے لیے ان کا ٹریبیوٹ ہے۔
’میرے بابا‘ نامی یہ گانا سید ذیشان نے ڈائیریکٹ کیا، جبکہ اس کی کمپوزیشن کاشان اڈمانی نے کی ہے۔
مزید پڑھیں: جنید جمشید فضائی حادثے میں جاں بحق
بابر نے اس سے قبل کئی نعتیں بھی ریکارڈ کروائیں جن میں ’تیری چوکھٹ پے بن کر‘، ’صبح مدینہ‘ اور ’میرا دل بدل دے‘ شامل ہیں۔
خیال رہے کہ 52 سالہ جنید جمشید نے اپنے کیریئر کا آغاز وائٹل سائنز نامی پاپ بینڈ میں مرکزی گلوکار ہونے کی حیثیت سے کیا، اس بینڈ کے ذریعے انہیں اپنی زندگی میں بےشمار شہرت ملی۔
گلوکاری میں بے انتہا شہرت حاصل کرنے کے بعد ان کا رجحان اسلامی تعلیمات کی جانب بڑھ گیا اور آہستہ آہستہ انہوں نے موسیقی کی صنعت کو خیر آباد کہہ دیا۔
یہ بھی پڑھیں: جنید جمشید: پاپ میوزک سے تبلیغی جماعت تک
ان کا شمار پاکستان کے نامور نعت خوان اور بزنس مین کے طور پر بھی کیا جاتا رہا ہے۔