☰
پوشاک سے زیادہ شخصیت بنانے والے ڈیزائنر گوینچے چل بسے
کاروبارکے لیے پوشاک سے زیادہ لوگوں کی شخصیت بنانے کے لیے دیدہ زیب اور انتہائی نفیس لباس تیار کرنے کے حوالے سے معروف فرانسیسی فیشن ڈیزائنر ہیوبرٹ ڈی گوینچے 91 برس کی عمر میں چل بسے۔
خیال رہے کہ ہیوبرٹ ڈی گوینچے کو خصوصی طور پر خواتین کے لیے سیاہ رنگت کے دیدہ زیب اور نفیس لباس تیار کرنے کے حوالے سے جانا جاتا تھا۔
انہوں نے 1950 کے بعد فیشن ڈیزائننگ کی شروعات کی اور اپنے فیشن ہاؤس ’دی ہاؤس آف گوینچے‘ کی بنیاد 1952 میں رکھی۔
انہوں نے کیریئر کے ابتدائی دنوں میں ہی یورپی ملک مناکو کی شہزادی سمیت کئی اہم خواتین کے لیے خصوصی طور پر لباس تیار کیے۔