☰
انٹرنیشنل اسپیس اسٹیشن میں چھٹیاں منانا پسند کریں گے؟
کیا آپ زمینی مناظر دیکھ دیکھ کر بیزار ہوچکے ہیں؟ اگر ہاں تو اب وقت آگیا ہے کہ خلائی سیاحت کا مزہ لیا جائے۔
جی ہاں اب مہم جو سیاح انٹرنیشنل اسپیس اسٹیشن (آئی ایس ایس) پر 10 دن کی سیر کرسکیں گے۔
ایکسیوم اسپیس نامی کمپنی نے 2020 سے آئی ایس ایس میں 7 سے 10 روز کے قیام کی سہولت فراہم کرنے کا اعلان کیا ہے۔
نیویارک ٹائمز کی ایک رپورٹ کے مطابق اس خلائی سفر پر جانے کے خواہشمند افراد کو فی کس ساڑھے 5 کروڑ ڈالرز (ساڑھے 6 ارب پاکستانی روپے سے زائد) کا خرچہ کرنا ہوگا۔
یہ بھی پڑھیں : چلتے ہیں تو خلا میں چلیے
یہ کمپنی اپنے رہائشی کیبن 2022 تک آئی ایس ایس سے منسلک کرنے کا ارادہ رکھتی ہے۔
2001 میں ایک روسی راکٹ کے ذریعے پہلی بار ایک شخص کو خلاءکی سیر کرائی گئی تھی، جس کے بعد سے عام لوگوں کے لیے خلائی سفر کے حوالے سے اکثر منصوبے سامنے آتے ہیں۔