جاپان میں طوفانی بارشوں، سیلاب اور لینڈ سلائیڈنگ سے ہلاکتوں کی تعداد 100 سے زائد ہوگئی، جبکہ درجنوں افراد تاحال لاپتہ ہیں۔

جاپان میں حالیہ دنوں میں ہونے والی موسلا دھار بارشوں کے بعد مغربی علاقوں میں سیلابی صورتحال کا سامنا ہے۔

گزشتہ ایک ہفتے کے دوران مغربی جاپان میں ریکارڈ بارش ہوئی جس کے نتیجے میں نشیبی علاقے زیر آب آگئے اور مختلف علاقوں میں لینڈ سلائیڈنگ کے واقعات بھی رونما ہوئے۔

سیلاب سے متاثرہ علاقوں کے 20 لاکھ شہریوں کو محفوظ مقامات پر منتقل ہونے کے احکامات دے دیئے گئے ہیں، جبکہ 73 ہزار امدادی کارکن شہریوں کو بچانے کی کوشش کر رہے ہیں۔