لاہور میں بارش نے گرمی کا زور توڑ دیا ، ہوائیں چلنے سے موسم مزید خوشگوار ہو گیا اور گرمی کے ستائے شہریوں کے چہرے کھل اٹھے۔

محکمہ موسمیات کے ذرائع کا کہنا ہے کہ اگلے 2 روز تک پنجاب سمیت ملک کے دیگر علاقوں میں گرج چمک کے ساتھ اور کہیں موسلا دھار بارشوں کا امکان ہے۔

جبکہ آج رات تک لاہور سمیت پنجاب کے مختلف علاقوں میں وقفے وقفے سے بوندا باندی کا سلسلہ جاری رہے گا جبکہ اس دوران بعض مقامات پر موسلا دھار بارش کا امکان بھی ہے۔