☰
کمار سانو نے 17 سال بعد زندگی کا اہم راز بتادیا
بھارت کے معروف گلوکار اور میلوڈی کے بے تاج بادشاہ کمار سانو نے زندگی کے اہم ترین راز سے 17 سال بعد پردہ اٹھاتے ہوئے لوگوں کو حیران کردیا۔
درجنوں گیتوں میں اپنی آواز کا جادو جگانے والے 60 سالہ کمار سانو نے انکشاف کیا ہے کہ انہوں نے آج سے 17 سال قبل ایک بچی کو گود لیا تھا، لیکن وہ سماجی رسومات کی وجہ سے خاموش رہے۔
ہندوستان ٹائمز کے مطابق معروف ٹی وی شو ‘دل ہے ہندوستانی 2‘ میں بات کرتے ہوئے کمار سانو نے کہا کہ انہوں نے اپنی اکلوتی بیٹی شینن کو 2001 میں گود لیا تھا۔
گلوکار نے انکشاف کیا کہ انہوں نے یہ بات 17 سال تک سماجی رسومات کی وجہ سے خفیہ رکھے، تاہم اب انہیں فخر ہے کہ ان کی بیٹی نوجوان ہونے کے ساتھ ساتھ ایک گلوکارہ بھی بن چکی ہیں۔