کنگنا رناوٹ کو عمران خان سے کیسی توقعات؟
بولی وڈ کوئین کنگنا رناوٹ جنہوں نے کچھ دن قبل ہی سیاست میں انٹری دینے کے لیے اشارہ دیا تھا، آج کل اپنی فلمی کیریئر کے ساتھ ساتھ سیاست پر بھی بات کرتی نظر آتی ہیں۔
یہی نہیں بلکہ کنگنا رناوٹ نے گزشتہ چند دنوں میں بھارت کے متعدد سیاسی تقریبات میں شرکت کرنے سمیت مختلف سیاستدانوں سے ملاقاتیں بھی کیں ہیں۔
اگرچہ کنگنا رناوٹ نے سیاست میں انٹری کا اشارہ دیتا ہوئے خود کو سیاست کے لیے کم عمر قرار دیا تھا، تاہم ان کے بیانات سے لگتا ہے کہ وہ اس میں شامل ہونے کے لیے چانس کی منتظر ہیں۔
یہ بھی پڑھیں: کنگنا رناوٹ سیاست میں انٹری کیلئے تیار
جہاں وہ بھارتی سیاست میں انٹری پر بات کرتی نظر آتی ہیں، وہیں اب انہوں نے پاک-بھارت تعلقات اور کشیدگی پر بات کرتے ہوئے پاکستان کے حالیہ عام انتخابات میں کامیابی حاصل کرنے والے پاکستان تحریک انصاف (پی ٹی آئی) کے چیئرمین کے لیے نیک خواہشات کا اظہار کرتے ہوئے انہیں مبارک باد دی۔