کیا آپ کو کوئی ایسی ہارر فلم یاد ہے جس کو دیکھتے ہوئے خوف نے جسم کو جکڑ لیا ہو؟ اگر نہیں 'ہریڈیٹیری' (Hereditary) کو دیکھتے ہوئے ایسا کئی بار ہوگا۔
دلچسپ بات یہ ہے کہ فلم کو دیکھتے ہوئے زیادہ تر وقت یہی لگتا ہے کہ جیسے یہ ذہنی امراض پر لوگوں میں کی جانے والی ایک تحقیق ہے مگر پھر بھی ڈائریکٹر اری ایسٹر لوگوں کے رونگٹے کھڑے کرنے میں کامیاب رہے ہیں۔
فلم کا ایک حادثہ گراہم خاندان کو پیش آنے والے المیے سے ہوتا ہے جو ہوسکتا ہے کہ کچھ لوگوں کو المیہ نہ لگے، یعنی ان کے خاندان کی سربراہ خاتون ایلن بڑھاپے میں چل بستی ہیں جس پر ان کی بیٹی اینی (ٹونی کولیٹ) کی بے حسی نظر آتی ہے۔
جو ماں کی تدفین کر پر لوگوں کی بڑی تعداد کی موجودگی پر حیرت کا اظہار کرتی ہے حالانکہ اس کی ماں کو لوگ اتنا پسند بھی نہیں کرتے کیونکہ وہ متعدد ذہنی امراض کا شکار ہوتی ہے جو کہ خاندان کو بھی متاثر کرتے ہیں اور نہ ہی وہ سماجی طور پر متحرک تھی۔