☰
محرم الحرام کے بعد پولیس کا مربوط نظام تشکیل دیں گے، وزیراعلیٰ
کراچی: وزیر اعلیٰ سندھ سید مراد علی شاہ کا کہنا ہے کہ محرم الحرام کے بعد صوبائی پولیس کے نظام میں بہتری کے لیے جامع پالیسی تشکیل دی جائے گی۔
قائد اعظم کی 70ویں برسی پر گورنر سندھ عمران اسماعیل کے ہمراہ مزار قائد پر حاضری کے بعد میڈیا سے گفتگو کرتے ہوئے مراد علی شاہ نے کہا کہ 'نگراں حکومت کے عرصے میں پولیس کے بجائے الیکشن پر زور دیا گیا، افسران کو ایک جگہ سے دوسری جگہ ٹرانسفر کردیا گیا جس کے نتیجے میں گزشتہ چند ماہ میں جرائم کی وارداتوں میں اضافہ دیکھنے میں آیا ہے۔'
انہوں نے کہا کہ 'پاکستان کے لیے قائد اعظم کا وژن بہت واضح تھا اور میری کوشش ہے کہ بالعموم پاکستان اور بالخصوص سندھ میں عوامی ترجیحات اور امیدوں پر پورا اترتء ہوئے صوبے کو ترقی کی نئی منزل پر لے جائیں۔'