ایئرلائن کے نئے یونیفارم میں مغرب ومشرق کا حسین امتزاج
اس بات میں کوئی شک نہیں دنیا کی ایئر لائن کمپنیاں اپنے عملے کی تربیت اور ان کے یونیفارم کا خاص خیال رکھتی ہیں۔
دنیا کے ہر ملک کی قومی ایئرلائن کو اس بات کا خیال بھی رکھنا پڑتا ہے کہ ان کے عملے کا یونیفارم اس طرح کا ہو، جس سے ان کے ملک کی ثقافت کی عکاسی بھی ہوتی ہو۔
دنیا کی معروف ترین ایئرلائن کمپنیوں میں شمار ہونے والی ترکی کی ایئر لائن کمپنی ‘ترکش ایئرلائن’ نے بھی اپنی 85 ویں سالگرہ پر اپنے عملے کے لیے نیا یونیفارم تیار کیا ہے، جس کی ڈیزائن کو بہت سراہا جا رہا ہے۔
خیال رہے کہ ترکش ایئر لائن کمپنی کو دنیا کی سب سے بڑی کمپنی بھی مانا جاتا ہے، یہ کمپنی دنیا بھر کے 300 سے زائد مقامات تک سفری سہولیات فراہم کرتی ہے۔
جہاں یہ کمپنی 300 سے زائد مقامات سفری سہولیات فراہم کرتی ہے، وہیں اس کمپنی کے طیارے براہ راست 120 سے زائد ممالک تک بھی سفری سہولیات فراہم کرتے ہیں۔
علاوہ ازیں یہ کمپنی دنیا کے 70 سے زائد ممالک تک براہ راست کارگو کی ترسیل سمیت ایئر ایمبولینس اور ایئر بس جیسی سہولیات بھی فراہم کرتی ہے۔