☰
مقبول بھارتی شو ’سی آئی ڈی‘ بند کرنے کا فیصلہ
ہندی ٹیلی ویژن کے سب سے طویل عرصے تک نشر ہونے والے پروگرامز میں سے ایک فکشن کرائم شو سی آئی ڈی گزشتہ 21 سالوں سے شائقین کو محظوظ کرنے میں کامیاب رہا۔
تاہم اب یہ شو مداحوں کو مزید انٹرٹین نہیں کرپائے گا۔
اس کی وجہ یہ ہے کہ سی آئی ڈی کی آخری قسط رواں ماہ 27 اکتوبر کو نشر کی جائے گی، جس کے ساتھ اس شو کا بھی اختتام ہوجائے گا۔
ٹائمز آف انڈیا کی رپورٹ کے مطابق پروڈیوسرز نے اس شو کو ختم کرنے کا فیصلہ اچانک لیا ہے، جس کی وجہ سے مداح کافی مایوس ہوگئے ہیں۔
پولیس اور چوروں کی آنکھ مچولی پر مبنی اس شو نے اب تک ایک ہزار 5 سو 46 اقساط مکمل کرلی ہیں۔
اس پروگرام میں موجود کردار اے سی پی پرادھیومن، سینئر انسپیکٹر (ایس آئی) ابھیجیت اور دیا ناظرین میں مقبول ماتے جاتے ہیں۔