مسمار ہونے سے بچ جانے والا گاؤں سیاحوں کی توجہ کا مرکز بن گیا
اگرچہ دنیا بھر میں تاریخی اور قدیمی عمارتیں اور علاقے ابتداء سے ہی سیاحوں کی توجہ کا مرکز رہی ہیں۔
تاہم جدید دور کی فن تعمیرات اور تقاضوں کے پیش نظر دنیا بھر میں کئی پرانی عمارتوں، گھروں اور علاقوں کو مسمار کرکے انہیں دوبارہ تعمیر کیے جانے کا سلسلہ بھی جاری ہے۔
چین کے زیر انتظام ملک تائیوان میں بھی ایک ایسا گاؤں موجود ہے، جسے اگرچہ حکومت مسمار کرنا چاہتی تھی، تاہم اب وہ دنیا بھر کے سیاحوں کی توجہ کا مرکز بن چکا ہے۔
چند دہائیاں قبل آباد کیے گئے اس گاؤں کے گھر ٹوٹ پھوٹ کا شکار تھے، جس وجہ سے حکومت انہیں مسمار کرنا چاہتی تھی اور سرکار نے گاؤں والوں گھروں کے عوض بھاری معاوضہ یا متبادل جگہ کی پیش کش بھی کی۔
تاہم اس گاؤں میں 4 دہائیوں تک زندگی گزارنے والے چند معمر افراد نے حکومت کا یہ فیصلہ ماننے سے انکار کیا اور پھر دیکھتے ہی دیکھتے اس گاؤں کی قسمت بدل گئی۔