جیسے گلیکسی فولڈ میں پہلی بار اس کمپنی نے لچکدار ڈسپلے دیا ہے، گلیکسی ایس 10 سیریز میں ہول پنچ کیمرا کٹ آﺅٹ ڈسپلے میں سیلفی کیمرا کے لیے موجود ہے اور اب پہلی بار سام سنگ نوچ یا ہول پنچ سے پاک اسکرین پر مبنی فون متعارف کرانے والی ہے۔
سام سنگ ویب سائٹ کے انڈونیشین ورژن میں یہ انکشاف سامنے آیا ہے کہ اس کمپنی کا اگلے ماہ متعارف کرائے جانے والا گلیکسی اے 90 نوچ لیس انفٹنی ڈسپلے سے لیس فون ہوگا۔
اس سائٹ میں فون کی تصویر تو نہیں لگائی گئی مگر گلیکسی اے 30 یا اے 50 کی تصویر کے ساتھ ایک تحریری پیغام میں بتایا گیا کہ نوچ لیس انفٹنی اسکرین صرف گلیکسی اے 90 میں دستیاب ہوگی۔