☰
'ثناء کےانتقال کے بعد کئی بار خودکشی کی کوشش کی'
پاکستانی اداکار بابر خان اپنی زندگی میں پیش آنے والے سب سے بڑے سانحے— کار حادثے میں اہلیہ کی وفات کے حوالے سے اپنے جذبات کا اظہار کرتے ہوئے کافی غمگین ہوگئے۔
انہوں نے حال ہی میں نجی چینل جیو ٹی وی کے مارننگ شو میں شرکت کی، جہاں میزبان شائستہ لودھی نے بابر خان سے ان کی پہلی اہلیہ ثناء خان کے انتقال کے بعد ان کی زندگی میں آنے والی تبدیلیوں کے حوالے سے سوالات کیے۔
خیال رہے کہ ٹی وی اداکارہ اور ماڈل ثناء خان 2014 میں ایک روڈ ایکسیڈنٹ کے نتیجے میں جاں بحق ہوگئی تھیں۔
مزید پڑھیں: ٹی وی اداکارہ اور ماڈل ثناء خان کار حادثے میں ہلاک
وہ اپنے شوہر اداکار بابر خان کے ہمراہ کراچی سے حیدرآباد جارہی تھیں کہ سپر ہائی وے پر لونی کوٹ کے قریب ان کی کار حادثے کا شکار ہوگئی، جس کے نتیجے میں دونوں کو شدید زخم آئے اور ثناء زندگی کی بازی ہار گئی تھیں۔