جنوبی افریقہ نے پاکستان کو پہلے ٹیسٹ میچ میں چھ وکٹوں سے شکست دے کر سیریز میں 0-1 کی برتری حاصل کر لی۔

سنچورین میں کھیلے گئے سیریز کے پہلے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا جو غلط ثابت ہوا اور بابر اعظم کے 71 رنز کی اننگز کے باوجود پوری ٹیم 181رنز پر ڈھیر ہو گئی۔

جواب میں پاکستانی باؤلرز نے بھی عمدہ کھیل پیش کیا اور جنوبی افریقہ کو 223رنز پر آؤٹ کردیا اور میزبان ٹیم صرف 42رنز کی برتری حاصل کر سکی۔

دوسری اننگز میں شان مسعود اور امام الحق نے نصف اسکور کر کے پاکستان کو عمدہ آغاز فراہم کیا لیکن 100 رنز پر ایک وکٹ سے محروم ہونے والی ٹیم 190 پر پویلین لوٹ گئی اور جنوبی افریقہ کو فتح کے لیے صرف 149رنز کا ہدف دیا۔

پاکستان کی ناقص فیلڈنگ اور متنازع امپائرنگ کی بدولت جنوبی افریقہ نے میچ میں 6وکٹ سے فتح اپنے نام کر لی۔

پہلی اننگز میں 6 اور دوسری اننگز میں پانچ وکٹوں سمیت میچ میں مجموعی طور پر 11وکٹیں لینے والے ڈوان اولیویئر کو مین آف دی میچ قرار دیا گیا۔