☰
ماہرہ اور میرا کے درمیان دوستی ہوگئی
پاکستانی اداکارہ ماہرہ خان اور اداکارہ میرا کے درمیان جاری سرد جنگ سے تو سب ہی آگاہ ہیں، تاہم اب ایسا محسوس ہورہا ہے کہ ان دونوں نے ماضی کی تمام تلخیاں بھلا کر ایک دوسرے کی جانب دوستی کا ہاتھ بڑھا لیا ہے۔
ویسے تو انٹرٹینمنٹ انڈسٹری میں خواتین کو ہمیشہ ایک دوسرے کے مدمقابل سمجھا گیا ہے، تاہم اب بدلتے وقت کے ساتھ یہ اداکارائیں بھی ایک دوسرے سے مقابلہ کرنے کے بجائے ایک دوسرے کو پروموٹ کرتی نظر آتی ہیں۔
مزید پڑھیں: 'بولی وڈ میں کام کرنا کبھی میرا مقصد نہیں تھا'
اداکارہ میرا ہدایت کار عاصم رضا کی آنے والی فلم ’پرے ہٹ لو‘ میں ایک گانے پر رقص کرتی نظر آئیں گی، جس کی ریلیز سے قبل ہی اداکارہ ماہرہ خان نے میرا کی پرفارمنس کی تعریفوں کے پل باندھ دیے۔