☰
فحش، شہوت انگیز مناظر کی وجہ سے ملائیشیا میں فلم ’ہسلرز‘ پر پابندی
رواں ماہ 13 ستمبر کو ریلیز ہونے والی ہولی وڈ کی بولڈ ترین فلم ’ہسلرز‘ پر انتہائی شہوت انگیز مناظر کی وجہ سے اسلامی ملک ملائیشیا میں پابندی لگادی گئی۔
’ہسلرز‘ نے ریلیز کے پہلے ہی ہفتے نیا ریکارڈ بنایا تھا اور یہ فلم مکمل خواتین اداکاراؤں کی سب سے زیادہ کمانے والی فلم قرار پائی تھی۔
ساتھ ہی فلم کو یہ اعزاز بھی حاصل ہوا کہ اس میں تمام خواتین سیاہ فام تھیں اور یہ پہلا موقع تھا کہ سانولی اور سیاہ رنگت کی اداکاراؤں کی فلم نے ریکارڈ کمائی کی۔
’ہسلرز‘ کی کہانی 2015 میں ’نیویارک میگزین‘ کے ذیلی میگزین ’دی کٹ‘ میں شائع ہونے والے خاتون صحافی جیسیکا پریسلر کے ایک تحقیقاتی مضمون سے متاثر ہوکر لکھی گئی ہے۔