آئیفا میں سری دیوی کے نام بہترین اداکارہ کا ایوارڈ
آئیفا ایوارڈز 2018 کی شاندار تقریب بینکاک میں منعقد ہوئی، جہاں بولی وڈ آنجھانی اداکارہ سری دیوی کو بہترین اداکارہ کے اعزاز سے نوازا گیا۔
سری دیوی کا انتقال رواں سال کے آغاز میں دبئی میں ہوا، انہیں آئیفا میں 2017 میں ریلیز ہوئی فلم ’موم‘ کے لیے ایوارڈ دیا گیا۔
سری دیوی کا ایوارڈ ان کے شوہر بونی کپور نے اسٹیج پر قبول کیا۔
She was the queen of grace and worthy of every praise. There's no doubt the award for Performance in a Leading Role - Female posthumously goes to the late #Sridevi#IIFA2018 #NEXAIIFAAwards pic.twitter.com/x88ClJgR1d
— IIFA Awards (@IIFA) June 24, 2018
فلم ’موم‘ میں سری دیوی کے ساتھ دینے والے اداکار نوازالدین صدیقی کو بہترین معاون اداکار کے ایوارڈ سے نوازا گیا۔
ودیا بالن کی فلم ’تمہاری سلو‘ کو بہترین فلم کا ایوارڈ دیا گیا، اس فلم کی کہانی ایک شادی شدہ خاتون پر مبنی تھی جو ریڈیو جوکی بن کر اپنے خواب کو پورا کرتی ہیں۔
عرفان خان کو ان کی فلم ’ہندی میڈیم‘ کے لیے بہترین اداکار کا ایوارڈ دیا گیا۔
فلم ’ہندی میڈیم‘ میں عرفان خان کے ساتھ پاکستانی اداکارہ صبا قمر نے بھی اہم کردار ادا کیا تھا۔
’ہندی میڈیم‘ کے ہدایت کار ساکت چوہدری کو بھی بہترین ڈائیریکٹر کا ایوارڈ ملا، تاہم صبا قمر کو کسی بھی ایوارڈ کے لیے نامزد نہیں کیا گیا۔
بولی وڈ معروف اداکار انوپم کھیر کو انڈین سینما میں اتنے سالوں تک شاندار کام کرنے پر لائف ٹائم اچیومنٹ ایوارڈ سے نوازا گیا۔
رواں سال کے آئیفا میں اداکاروں نے شاندار پرفارمنسز بھی پیش کیں، جن میں سب سے زیادہ توجہ کا مرکز ریکھا کی پرفارمنس رہی۔
شو پر رنبیر کپور، شردہا کپور، ارجن کپور، کارتک آرین، کرن جوہر، ریتیش دیش مکھ، کریتی سنن اور انیل کپور جیسے اداکاروں نے شرکت کی۔
Only crazy moments when these three take the stage! @AnilKapoor, @karanjohar, @Riteishd #IIFA2018 pic.twitter.com/eEtRyZxTsx
— COLORS (@ColorsTV) June 24, 2018
بہترین فلم
بہترین اداکار
بہترین اداکارہ
بہترین ہدایت کار
بہترین معاون اداکار
اسٹائل آئکن