☰
کنگنا رناوٹ کے خلاف پولیس میں شکایت درج
بولی وڈ کوئین کنگنا رناٹ جو جلد ہی آنے والی تاریخی فلم ‘منی کارنیکا: دی کوئین آف جھانسی’ میں ایکشن دکھاتی نظر آئیں گی ان پر دلالی کے پیسے ہڑپ کرنے کا الزام عائد کردیا گیا۔
نہ صرف اداکارہ پر دلالی کے پیسے کھانے کا الزام عائد کیا گیا ہے بلکہ ان کے خلاف ممبئی کے پولیس تھانے میں شکایت بھی درج کروادی گئی۔
اطلاعات ہیں کہ اداکارہ نے ایک سال قبل ممبئی کے پوش علاقے میں خریدے گئے شاندار گھر کا سودہ طے کرانے والے بروکر کے پیسے ہڑپ کرلیے۔
ڈی این اے انڈیا نے اپنی رپورٹ میں بتایا کہ اداکارہ کے خلاف ممبئی کے ریئل اسٹیٹ بروکر پرکاش روہڑا نے کھر پولیس تھانے میں شکایت درج کروائی ہے کہ کنگنا رناوٹ ان کے پیسے ہڑپ کر گئیں۔