☰
سال 2019ء قومی ٹیم کے لیے میدان میں بُرا لیکن میدان سے باہر اچھا رہا
سال 2019ء میں پاکستان کرکٹ نے ملکی اور بین الاقوامی سطح پر بہت سے اتار چڑھاؤ اور تبدیلیاں دیکھیں۔ اس سال طویل عرصے بعد پاکستان کے ڈومیسٹک اسٹرکچر میں تبدیلی کی گئی، ایسی تبدیلی جس کے باعث ڈومیسٹک کرکٹ صرف علاقائی کرکٹ تک محدود ہوگئی۔
اس تبدیلی کے پاکستان کرکٹ پر کیا اثرات مرتب ہوں گے، یہ منفی ہوں گے یا مثبت، اس حوالے سے آنے والا وقت ہی بتائے گا، لیکن میری رائے میں ڈومیسٹک کرکٹ کو صرف 6 علاقائی ٹیموں تک محدود کرکے ہم مستقبل میں بہت سا قیمتی ٹیلنٹ ضائع کردیں گے۔