‘مجھے بھی 21 سال کی عمر میں جنسی ہراساں کیا گیا’
بولی وڈ میں گزشتہ ماہ 26 ستمبر سے اداکارہ تنوشری دتہ کی جانب سے اداکار نانا پاٹیکر پر جنسی طور پر ہراساں کیے جانے کا الزام لگانے کے بعد اب تک کئی اداکاروں نے اپنے ساتھ ہونے والی ناانصافیوں پر بات کی ہے۔
‘می ٹو’ مہم کے تحت جہاں اب تک ہدایت کار وکاس بہل، سبھاش گھائے، ساجد خان اور اداکار آلوک ناتھ جیسی شخصیات پر اداکاراؤں کو جنسی طور پر ہراساں کیے جانے کا الزام لگ چکا ہے۔
وہیں ایک کامیڈین اداکارہ کنیز سرکا نے بھی ساتھ اداکارہ ادیتی متل پر جنسی طور پر ہراساں کرنے کا الزام عائد کیا تھا۔
اسی طرح لوگوں نے اداکار آدھیان ثمن سے بھی مطالبہ کیا کہ وہ بھی اداکارہ کنگنا رناوٹ کی جانب سے 2 سال قبل جنسی طور پر ہراساں کیے جانے کے واقعے کی سچائی ایک بار پھر سامنے لائیں، تاہم انہوں نے فی الحال اس واقعے پر بات کرنے سے معزرت کرلی۔
یوں 14 اکتوبر کو سیف علی خان نے بھی انکشاف کیا کہ انہیں بھی کیریئر کے آغاز میں 25 سال قبل ہراساں کیا گیا، تاہم انہوں نے وضاحت کی کہ انہیں جنسی طور پر ہراساں نہیں کیا گیا تھا۔