افغان خواتین کے پہلے آرکسٹرا گروپ کی ڈیوس میں پرفارمنس
19 جنوری 2017
افغانستان کی خواتین کا پہلا آرکسٹرا گروپ موسیقی کے ذریعے اپنی نئی تقدیر لکھنے جارہا ہے۔
خبر رساں ادارے اے ایف پی کے مطابق یہ خواتین سوئٹزرلینڈ کے شہر ڈیوس میں ہونے والے عالمی اقتصادی فورم کے اجلاس میں پرفارم کریں گی۔
35 نوجوان لڑکیوں کا یہ گروپ رواں ماہ 20 اور 21 جنوری کو دنیا بھر کی کئی معروف شخصیات کے سامنے پرفارم کرے گا۔
اس گروپ میں یتیم اور غریب گھرانے سے تعلق رکھنے والی لڑکیاں شامل ہیں، جس کا نام 'زہرہ' رکھا گیا ہے۔
جنگ کے شکار ملک افغانستان سے تعلق رکھنے والی ان لڑکیوں کو اپنی زندگی میں کئی مشکلات کا سامنا کرنا پڑا.
انھیں اپنے خاندان کے لیے باعث ذلت سمجھا گیا جس کے بعد انہیں قتل کی دھمکیوں کا بھی سامنا رہا ہے، لیکن انھوں نے ہمت نہیں ہاری اور موسیقی کو اپنی قمست بدلنے کے لیے استعمال کیا۔
تبصرے (0) بند ہیں